Psa 92 | MMX | STEP | O Leeme Silok, loklox avukat tinotno mo do mana tong avukat tu, la manak pixan tik lok ngangao ram. O Moroa Avolo.

Psalms 92

Loxompixan Emi Asu

1 O Leeme Silok, loklox avukat tinotno mo do mana tong avukat tu, la manak pixan tik lok ngangao ram. O Moroa Avolo. 2 At lenmaxantamak axap, mana vavang asu mo labalamu lexen taram la loklok tuturun taram tinema. Mana vavang min at lengkanimin axap, 3 mana lox i na mi lerengteng at leven gita la mi lenaon at levengkon taaleng. 4 O Leeme Silok, leven gugu lolos taram ik lox aklek ia; la ak pixan momo mumu mun mo lempanga ugara lok pam i.

5 Leeme Silok, mo leven gugu uga lox asuusu i, i silok aleng! La levendoxoma ram i si aleng! 6 La ixo epovo xusu taradi baulang naklen mo lempanga; taradi rangtangku bok ixo epovo ri xasep teren. 7 Keke i do limixin kapmek dina posok aleng ngan levempivilis, la nedi dik lok leveloklok bilinga diba ngasang kobot; ketla ne Moroa naba sele utut axap tino bok di; 8 atla nenu Leeme Silok u ruuna lolos lexen la kopmen tekavaxap teren.

9 Makleklen i do lavamunepen taram dinaba remet kot, la unaba sak tup midi axap limixin dik lok laxapmek. 10 Ugara lox alolos pam ia ngan lavatbulumaxao aaxa; ugara lox anarong pam ia mi lomomo. 11 Agara ven pam u, uga sak tup mi lavamunepen tarak la aga ronga lerengteng at limixin dik lok laxapmek.

12 Limixin mokmokso dinaba suusu dangdangun ngan lempar iivin; dinaba suusu nunuan ngan levenuna keda (Cedar) boro Lebanon. 13 Di lok ngan larauna i suusu ro xeneng at loogu at Leeme Silok, i suusu dangdangun to xeneng at loogu laplavang at ne Moroa atnedik, 14 mo larauna me gaxatdo nga la ira mukun ta, ketla move ira pisik peeve la lempavaxan move ren i mamaxa la i lolos. 15 Ana i, i lox asuusu i do Leeme Silok neni i ruturun, la kopmen tesoogong keneng at Lurutu See Pe rak.